- Det er ei alt for stor belastning for dei mindre produsentane å måtte gjera aldeles unødvendige investeringar og tiltak i allereie eksisterande anlegg for å desinfisera inntaksvatn mot ei smitte som ikkje finnes i dette vatnet, skriv Hardanger Fjellfisk ved Vidar Onarheim i sitt høyringssvar.

– Sterkt urimeleg å verta pålagt reinsing

– Me har ingen innspel når det gjeld skilnaden mellom land og sjø, men derimot sterke meiningar med omsyn til framlegg om krav til 100 % desinfeksjon av alt inntaksvatn til alle typar akvakulturanlegg – utan å skilje på art, vasskjelde eller liknande.

Publisert Sist oppdatert

Det skriv Hardanger Fjellfisk i sitt høyringssvar til Nærings- og fiskeridepartementet når det gjeld nytt regelverk for landbasert akvakulturproduksjon. 

– Slik me ser det, vil eit krav om 100 % desinfeksjon av alt vårt inntaksvatn vera klårt urimeleg og heilt unødvendig. Vatnet frå Hardangervidda har ikkje oppgang av anadrom fisk, og det er særs låg sannsyn for at smitte kan komme opp i vasskjeldene, skriv selskapet, signert Vidar Onarheim.

Hardanger Fjellfisk

Hardanger Fjellfisk AS produserer lokal fjellaure (Salmo trutta) i ein fjellhall i Tyssedal, Ullensvang kommune i Vestland. 

Råvatnet er fjellvatn frå Hardangervidda. 

Årleg tillaten produksjon er 150 tonn. Til no (sidan 1998) har maksimal produksjon vore om lag halvparten.

Kjelde: Selskapet

– Når ein legg til at det me driv er oppal av ferskvassfisk (med relativt låg tal patogener sett opp mot sjøvassfisk) og at det er ingen spreiing til anna ferskvassfisk (anlegget ligg på kote 2.0, ingen nedstraums fisk) og at ferskvasspatogener med høgt sannsyn vert inaktiverte når dei kjem i kontakt med sjøvatn, klargjer det kvifor me meina at det er sterkt urimeleg å verta pålagt reinsing slik foreslått, skriv dei vidare.

Dei skriv at ein forvaltningsmessig kan sjå at det er forenklande for handsaminga å gje alle like vilkår, og løftar samstundes fram at diversiteten mellom alle artar i akvakultur er stor.

– Det er ei alt for stor belastning for dei mindre produsentane å måtte gjera aldeles unødvendige investeringar og tiltak i allereie eksisterande anlegg for å desinfisera inntaksvatn mot ei smitte som ikkje finst i dette vatnet, skriv dei.

Selskapets synspunkt er samanfatta slik:

  1. Det kan ikkje innførast eit generelt påbod om desinfeksjon av alt inntaksvatn til alle typar akvakulturanlegg
  2. Ein lyt skilja mellom ferskvatn og sjøvatn, og dessutan mellom ulike artar og risikovurdera kvar einskild art.
  3. Lokale variasjonar må verta ein del av vurderinga kor vidt det skal innførast krav til desinfeksjon av inntaksvatn.

Les heile høyringsbrevet her

Les mer om nytt landbasert regelverk

 

funksjonskrav hardanger fjellfisk høring landbasedaq regelverk